Eston áskerıleri shynjyr tabandy robot jasady

ASTANA. QazAqparat - Estonııada Kevadtorm áskerı jattyǵýlary kezinde shynjyr tabandy robot synaqtan sátti ótti, dep habarlaıdy N+1.

THeMIS roboty júk tasymaldaýǵa arnalǵan. Ondaı mindetti buǵan deıin úlken tehnıka nemese jaýyngerlerdiń ózderi atqaryp keldi. Robottyń jyldamdyǵy saǵatyna 35 km, ol ózimen birge 750 keli júk alyp júre alady. Al apparattyń salmaǵy jaraqtandyrylýyna qaraı 750-850 keli shamasynda.

THeMIS qýaty 10 saǵat toqtaýsyz júrýge jetedi. Ony dızel qozǵaltqyshyna qosylǵan generator arqyly qýattaıdy. Onyń negizgi bólikteri bolatpen qorǵalǵan. Robot úsh rejimde jumys isteı alady: avtonomdy, jaýynger erip júrip nemese qashyqtan basqaý arqyly.