Estimegen elde kóp: shved zoobaǵynda kassany órmekshi men saryshaıan kúzetedi
ASTANA. Tamyzdyń 13-i. QazAqparat - Stokgolmdegi ashyq aspan astyndaǵy Skansen murajaıynyń Akvarıýmynda urlyqpen kúresýdiń biregeı ádisi qolǵa alynyp otyr. Kireberistegi kassadan birneshe ret aqsha urlanǵannan keıin, Akvarıým basshylyǵy «kúzetke» Stıng atty saryshaıan men Imse atty úlken órmekshini qoıý týral sheshim qabyldaǵan. Endi álgi jándikter kassa apparatynyń ishinde aqsha kúzetip otyr, dep habarlaıdy ITAR-TASS agenttigi.
«Bizdiń jańa «kúzetshiler» shaqsa, urylar kassadan alystaý júretin shyǵar», - deıdi Akvarıým dırektory ıÝnas Valstrem.
Zoobaq qyzmetkerleri bul jańalyqty tamasha ıdeıa dep sanaıdy jáne «ózderi eshkimge tıispeıtin, biraq bireý tıisse, aıamaıtyn» saqshylar týraly áńgime urylardyń da qulaǵyna jetedi degen úmitte.
«Saryshaıan men órmekshiniń ýy aranikindeı aşy emes, biraq shaqqan adamdy biraz ábirjitetini anyq. Kassaǵa ýly jylandy salyp qoıýdy artyqtaý dep sheshtik», - deıdi Valstrem myrza.
