Este saqtaýdy jaqsartýdyń 7 joly
ASTANA. QazAqparat - Adamnyń este saqtaý qabileti turaqty bola bermeıdi. Ýaqyt óte kele nasharlap, umytshaqtyqqa ákelip soqtyrýy da múmkin. Ol úshin este saqtaý qabiletin turaqtandyratyn túrli ádis-tásilder men qarapaıym qaǵıdalardy ustanǵan durys, dep jazady massaget.kz.
Este saqtaý qabiletin jaqsartý týraly paıdaly keńester jeterlik. Degenmen jaqynda ǵalymdar este saqtaýdy jaqsartýdyń taǵy birneshe joldary bar ekenin málimdedi.
Sýret salý
Bos ýaqytta, bolmasa hobbı retinde sýret salý este saqtaýdy jaqsartady eken. Ǵalymdardyń aıtýynsha, sýrettiń sapasy men kórkemdigi mańyzdy emes. «Bastysy - sýret oıdy tynyqtyrady» - deıdi. Oıdyń tynyǵýy - este saqtaý qabiletin joǵarylatady.
Kózge arnalǵan jattyǵýlar
Eger kúnde tańerteń 30 sekýnd boıy kózińizge jattyǵý jasap tursańyz, este saqtaý qabileti 10%-ǵa jaqsarady. Muny da ǵalymdar dáleldegen. Sondaı-aq kózdi jumyp, ótkendi eske túsirý de paıdaly eken.
Oı jattyǵýlary
Este saqtaý qabiletin jaqsartý úshin túrli jattyǵýlar jasap turǵan durys. Ásirese, sózjumbaqtar, oısha sanaý, logıkalyq suraqtardy sheshý, óleńderdi jattaý, shet tilderin meńgerý - mıdy jumys istetýge arnalǵan eń tıimdi ádister bolyp sanalady.
Jalań aıaq júgirý
Jalań aıaq júgirýdiń ózi este saqtaý qabiletińdi jaqsartady eken. Ǵalymdardyń aıtýy boıynsha, jalań aıaq júgirgen adam aıaǵyn jaraqattap almas úshin aınalasyna barlaı qarap júgiredi. Mundaı sátte mı da belgili bir qyzmet atqarady. Ol qyzmetter este saqtaýdy jaqsartýǵa kómektesedi eken.
Jazý
Búginde qolmen jazý qalyp barady. Kóbimiz pernetaqta kómegimen jumys jasap júrmiz. Degenmen este saqtaý qabiletińizdi jaqsartý úshin bir aýyq qolyńyzǵa qalam alyp, jazý jazyp ta turyńyz. Munyń da kóp kómegi bary anyq.
Salmaǵy aýyr zattardy kóterý
Jańa zertteýler dáleldegendeı, jattyǵý kezinde salmaǵy aýyr kir tastaryn kóterý de este saqtaýdy 20 %-ǵa jaqsartady eken.
Bıikke órmeleý
«Shyńǵa shyǵý men aǵashqa órmeleý de este saqtaý qabileti úshin paıdaly» - deıdi ǵalymdar. Sebebi tepe-teńdikti saqtaý arqyly jad jumysy jaqsara túsedi eken.
Bir sózben aıtqanda, mıdy únemi jumys istetip tursańyz, este saqtaý qabiletińiz de jaqsara túsetin bolady.
