Este saqtaý qabiletin jaqsartýdyń jaǵymdy tásili tabyldy
ASTANA. 13 jeltoqsan. QazAqparat - Pop-mýzykany tyńdaý bas súıek-mı zaqymyn alǵan emdelýshilerge este saqtaý qabiletin qalypqa keltirýge kómektesedi. Bul týraly Avstralııadaǵy Nıýkasl ýnıversıtetiniń jáne Frantsııanyń soltústigindegi Lıllsk ýnıversıtetiniń qyzmetkerleri málimdedi, dep jazady RBK.
Ǵalymdar anyqtaǵandaı, mýzyka tyńdaǵan ýaqytta zardap sheken adamnyń mıynda saý adamnyń mıyndaǵydaı keıbir estelikter jańartylady. Ame Berd jáne Severın Samsonnyń basshylyǵymen alǵash ret mýzyka jáne onyń bas súıek-mı zaqymyn alǵan adamdardyń jaǵdaıyna áseri arasyndaǵy baılanys qarastyrylǵan zertteý júrgizildi.
Zertteý barysynda mamandar bas mıy jaraqatyn alǵan bes óz erkimen qatysýshy jáne olardyń ár túrli belgili ánderdiń úzindilerinen alǵan áserin qadaǵalady. Osyndaı saraptama saý adamdarǵa da júrgizildi. Odan ári barlyǵynan olar tyńdaǵan áýenniń qanshalyqty tanys ekenin, olarǵa unady ma, joq pa jáne neni eske túsiretinin jazýdy suraǵan.
Avtorlar estelikter zardap shekken emdelýshilerdiń mıynda saý adamdardyń mıyndaǵydaı qaıta jańartylǵanyn anyqtady. Negizinen óz erkimen synalǵandar adamdar belgili bir jerlerdi, belgili bir ómir súrgen kezeńderdi ǵana eske túsirgen jáne ádettegideı, munyń barlyǵy olardyń jaǵymdy kóńil kúıine áser etken. Sonymen qatar, jaǵymdy kóńil kúı týdyratyn ánder qaıǵyny eske túsiretin ánderge qaraǵanda qatty áser etedi.
