Este saqtaý qabiletin jaqsartý úshin táýligine 8 saǵat uıyqtaý kerek - ǵalymdar
ASTANA. QazAqparat - Uıqynyń adam aǵzasynyń qalypty qyzmeti úshin óte mańyzdy ekeni belgili.
Bul rette Londondaǵy aýrýhanalardyń biriniń mamandary zertteý ótkizip, sonyń kómegimen tolyqqandy ómir tirshiligi úshin uıqy ýaqytynyń naǵyz qajetti sanyn anyqtaý múmkin boldy.
Dárigerlerdiń aıtýynsha, adam odan ne kóp, ne az emes - 8 saǵat uıyqtaýy tıis. Keıin este saqtaý qabiletiniń buzylmaýy úshin aǵzanyń demalýyna dál osyndaı ýaqyt qajet.
Ǵalymdar emhana patsıentterin belgili bir ýaqyt baqylap, kún saıyn 8 saǵattan uıyqtaǵandar adamdardyń bet-beınesin jaqsy este saqtaǵanyn baıqady.
Tájirıbe barysynda mamandar zerttelýshilerge uıyqtar aldynda adamdar beınelengen 20 fotosýretti kórsetip, olardyń esimderin atady. Uıqydan turǵan kezde barlyq adamdardy eske túsirip, olardyń esimderin ataý kerek boldy.
Nátıjesinde, táýligine 8 saǵat uıyqtaǵan adamdar bul tapsyrmany basqalaryna qaraǵanda 12 paıyzǵa jaqsy oryndap shyqty.
Bul zertteýge 20 jastaǵy erikti azamattar qatysty. Aldaǵy bolashaqta ǵalymdar basqa jas kategorııalarynda da osyndaı tájirıbeler ótkizbek.
