Este saqtaý qabileti jaqsy balalar ótirikti de jaqsy qıystyryp aıtady - ǵalymdar
ASTANA. QazAqparat - Soltústik Florıda ýnıversıtetiniń ǵalymdary erekshe zertteý júrgizip, oǵan brıtanııalyq 114 oqýshy qatysty. Synaq barysynda este saqtaý qabileti jaqsy balalardyń ótirikti de uıqastyryp aıtatyny anyqtaldy, dep jazady planet-today.ru.
Olar túrli sózderdi este saqtaý tapsyrmalaryn neǵurlym jaqsy oryndaıtyn bolsa, soǵurlym ótirikti de qıystyryp aıtatyny belgili bolǵan. Balaqaılar kóp mólsherdegi aqparatty ıgerip, jadysy nasharlarǵa qaraǵanda ony este jaqsy saqtaıtyn bolyp shyqty. Biraq olar túrli sýretter men fotolardy jattap, taný synaǵynan súringen. Endi ǵalymdar balalardyń ótirik aıtýdy qalaı úırenetinin zertteý jumystaryn júrgizýdi josparlap otyr.
