Estafeta: Sýda júzýden Qazaqstan komandasy Azııa oıyndarynyń fınalyna shyqty

ASTANA. QazAqparat  - Indonezııada ótip jatqan Jazǵy Azııa oıyndarynda  Qazaqstan erler komandasy 4h100 metrge júzýden aralas estafetada fınalǵa shyqty, dep habarlaıdy QazAqparat tilshisi.

QR UOK baspasóz qyzmeti málim etkendeı, búgin Jakartada Qazaqstan erler komandasy 4h100 metrge júzýden aralas estafetada irikteý kezeńin úshinshi bolyp aıaqtady.

Estafetada Qazaqstan namysyn Dmıtrıı Balandın, Ádilbek Mýsın, Ádil Qasqabaı jáne Aleksandr Varakın qorǵaýda.

Qazaqstan óz tobynda 3:38.57 ýaqyt kórsetkishimen ekinshi oryn ıelense, jalpy esepte Japonııa men Qytaı komandalarynan keıingi úshinshi orynǵa jaıǵasyp, fınaldyq kezeńge ótti.