Essekstegi oqıǵa: Vetnam polıtsııasy 8 adamdy qamaýǵa aldy
NUR-SULTAN. QazAqparat - Essekste júk kóliginen 39 adamnyń máıiti tabylǵannan keıin Vetnam polıtsııasy 8 adamdy qamaýǵa aldy, dep habarlaıdy VVS.
Vetnam sheneýnikteri Ulybrıtanııaǵa 31 er jáne 8 áıel adamdy anyqtaýǵa resmı túrde kómek kórsetýge bardy. Al qamaýǵa alynǵan adamdar adam kontrabandasyna baılanysty qylmys jasady dep aıyptalyp otyr. Ótken aptada Vetnamnyń Ha-Tın provıntsııasynda taǵy eki adam qamaýǵa alyndy.
Aıta ketý kerek, 23 qazan kúni Essekste júk kóliginen 39 adamnyń máıiti tabyldy. Juma kúni Esseks polıtsııasy olardyń vetnamdyqtar ekenin habarlady. Aldymen qytaılyqtar degen boljam jasalǵan bolatyn.
Esseks polıtsııasy Vetnammen jáne Ulybrıtanııamen, sonymen qatar Vetnam úkimetimen tikeleı baılanys ornatqanyn aıtty. Al memlekettiń syrtqy ister mınıstrliginiń baspasóz hatshysy oqıǵany «úlken gýmanıtarlyq problema» dep atady.
