BQO-da ótken esirtkimen kúreske baǵyttalǵan jıynnan soń 50-den astam tergep-tekserý bastaldy
ASTANA. KAZINFORM – BQO-da ótken esirtkimen kúreske baǵyttalǵan Úılestirý keńesiniń otyrysynan keıin elimizde 50-den astam sotqa deıingi tergep-tekserý bastalyp, 4 fıtolaboratorııa anyqtaldy.
Jıyn barysynda quqyq qorǵaý jáne arnaıy memlekettik organdardyń basshylaryna naqty nusqaýlar berildi, olar búginniń ózinde oń nátıje kórsetýde.
Oblystyq prokýratýranyń úılestirýimen 1 jeltoqsanda Almaty oblysynda ornalasqan esirtki zerthanasy anyqtaldy. Esirtki zattary men olardy óndirýge arnalǵan qural-jabdyqtar tárkilendi.
23 qarashada Qostanaı oblysynan esirtki satýǵa kelgen tulǵalar ustaldy.
Aqtóbe oblysynda esirtki saýdasynyń arnasy toqtatyldy.
- «Nashaqorlyqqa jol joq» jobasy aıasynda 350-den astam esirtki jarnamasy joıyldy. Bul baǵyttaǵy jumys jalǵasýda jáne kúndelikti baqylaýda – delingen habarlamada.
Aıta keteıik, Batys Qazaqstan oblystyq prokýratýrasy baspasóz qyzmetiniń habarlaýynsha, 29 qazanda Batys Qazaqstan oblysynyń prokýratýrasymen esirtkige qarsy is-qımyl máseleleri boıynsha zańdylyqty, quqyqtyq tártipti jáne qylmyskerlikke qarsy kúresti qamtamasyz etý jónindegi Úılestirý keńesiniń otyrysy ótti.
Osyǵan deıin jazǵanymyzdaı, Jetisý oblysynda jyl basynan beri 692 keli esirtki tárkilengen.
