Esirtkige qarsy iri operatsııa: Tarazda jasyryn zerthana joıyldy
ASTANA. KAZINFORM — Zerthanadan 66 keliden asa mefedron men 2 tonna prekýrsor, sondaı-aq esirtki daıyndaýǵa arnalǵan zerthanalyq jabdyqtar tabyldy, dep habarlaıdy UQK baspasóz qyzmeti.
Bıylǵy jyldyń mamyr aıynda Ulttyq qaýipsizdik komıteti prokýratýra organdarynyń úılestirýimen Taraz qalasynda sıntetıkalyq esirtkiniń iri jasyryn óndirisin joıý operatsııasyn júrgizdi.
— Osy qylmysty jasady degen kúdikpen Qazaqstan azamaty ustalyp, sottyń sanktsııasymen qamaýǵa alyndy. Tintý barysynda 66 keliden astam mefedron psıhotropty zaty men 2 tonna prekýrsor, sondaı-aq esirtki daıyndaýǵa arnalǵan zerthanalyq jabdyqtar tabyldy jáne tárkilendi. Qylmystyq kodekstiń 297-1 baby boıynsha sotqa deıingi tergep-tekserý júrgizilip jatyr, — delingen vedomstvo habarlamasynda.
Buǵan deıin 2025 jyldyń aqpanynda UQK Aqmola oblysy boıynsha departamenti prokýratýra organdarynyń úılestirýimen elimizdiń ońtústik óńirlerinen esirtki jetkizý arnasynyń jolyn kesti.