Esirtki jasyrýshylardy jaldaýǵa qatysty 3 myń habarlandyrý anyqtaldy - ІІM

3,2 myńnan astam esirtki saıttary buǵattaldy. Bul týraly Іshki istir mınıstrligi Esirtkige qarsy is-qımyl departamenti bastyǵynyń orynbasary Baqytjan Ámirhanov aıtty, dep habarlaıdy Kazinform.

«Internet jelisinde esirtki qylmystaryn anyqtaý boıynsha josparly jumys atqarylyp jatyr. Mádenıet mınıstrliginiń Aqparat komıteti 3,2 myńnan astam esirtki saıttaryn buǵattady. Alaıda, jarnamalyq saıttar men basqa da ınternet-platformalar arqyly esirtkiniń «agressıvti» jarnamasynan «jasyryn» jarnamalaýǵa kóshý baıqalyp otyr», - dedi B. Ámirhanov jyl basynan beri anyqtalǵan esirtki qylmystaryna qatysty ótken brıfıngide.

Onyń aıtýynsha, bul baǵytta «OLX» saıty keńinen tanymal.

«Jyl basynan beri Іshki ister mınıstrligi bastamasy boıynsha polıtseıler men atalǵan servıs qyzmetkerleri anyqtaǵan esirtki jasyrýshylardy jaldaý týraly 3 myńnan astam habarlandyrý joıyldy. Búgin Aqparat komıtetinde OLX alańynyń basshylaryn shaqyra otyryp, kezekti otyrys ótkiziledi», - dedi vedomstvo ókili.

Budan buryn habarlanǵandaı, bıyl zańsyz aınalymdaǵy 37 tonnadan astam esirtki tárkilendi.