Esirtki zerthanalaryn prekýrsorlarmen qamtamasyz etetin iri qylmystyq jeli joıyldy

ASTANA. KAZINFORM — Almaty qalasy prokýratýrasynyń úılestirýimen Esirtki saýdasymen kúres basqarmasynyń qyzmetkerleri el aýmaǵynda jumys istep turǵan esirtki zerthanalaryne BK-4 prekýrsorlaryn jetkizýmen aınalysatyn qylmystyq topty anyqtaý jáne joıý boıynsha sátti operatsııa júrgizdi.

Qara naryqtaǵy prekýrsorlardyń bir kılogrammynyń quny 250 dollardy quraıdy. Ustalǵan zattardyń jalpy mólsheri 800 myń AQSh dollarynan asady.

- 2024 jyldyń tamyz aıynan bastap Esirtki saýdasymen kúres basqarmasy qyzmetkerleri qylmystyq topty baqylaýǵa aldy, top músheleri áreketterin úılestirý úshin Telegram jelisin paıdalandy. Jumys barysynda prekýrsorlardy saqtaıtyn úsh qoıma anyqtaldy: bireýi Almaty qalasynda jáne ekeýi Almaty oblysynyń Іle aýdanynda.

Bıylǵy 1 qańtarda jedel qyzmetkerler Almatydan Qaraǵandy oblysyna 180 kg prekýrsorlardyń tasymaldanǵanyn tirkedi. Onda esirtki zerthanalary tabylyp, olardyń jumys isteýine qatysy bar adamdar ustaldy, - dep jazdy baqylaýshy organnan.

9 qańtarda Almaty men Almaty oblysynda bir mezgilde qylmystyq toptyń 9 múshesi ustalyp, esirtki zerthanasy tabyldy.

Ruqsat etilgen tintýler kezinde kelesiler tárkilendi:

• erekshe aýqymdy prekýrsorlar: 3 tonna 210 lıtr;
• esirtki zattaryn óndirýge arnalǵan zerthanalyq jabdyq;
• qarý-jaraq pen oq-dáriler, sonyń ishinde tapansha, myltyq jáne granata tárizdi zattar;
  ósimdik pen untaq tektes esirtki zattary.

Kúdiktiler ýaqytsha ustaý ızolıatoryna ornalastyryldy, qylmystyq tizbektegi barlyq baılanystardy anyqtaý úshin sotqa deıingi tergeý júrgizilýde.

Aıta keteıik, byltyr polıtsııa esirtki jetkizýdiń 94 ishki arnasyn joıǵan.