Esirtki tasymaldaǵan kúdikti buryn matematıka páni muǵalimi bolǵan - ІІM

ASTANA. KAZINFORM – Esirtki qylmysyna qarsy is-qımyl komıtetiniń qyzmetkerleri ıttiń kómegimen Aqmola oblysy Talapker aýyly mańyndaǵy avtojolda óńiraralyq kýrerdi ustady, dep habarlaıdy Polisia.kz.

 — Tekserý barysynda ustalǵan azamattyń Qostanaı — Semeı baǵyty boıynsha esirtki zattaryn tasymaldaǵany anyqtaldy.

Kýrer buryn matematıka pániniń muǵalimi bolǵan. Kólikti tekserý kezinde artqy oryndyqta turǵan rıýkzaktyń ishinen sıntetıkalyq esirtki «mefedron» salynǵan paket tabyldy, - dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.

Tárkilengen zattyń jalpy salmaǵy bir kılogramdy quraıdy.

Kúdikti ustalyp, ýaqytsha ustaý ızolıatoryna qamaldy. Atalǵan baǵyttaǵy jumys jalǵasady. 

Aıta keteıik, buǵan deıin eki halyqaralyq esirtki arnasy joıyldy.