Esirtki tasymaldaǵan atyraýlyq jigit 10 jylǵa sottaldy

ATYRAÝ. KAZINFORM – Atyraýda esirtki men psıhotroptyq zattardy tasymaldaǵan 23 jastaǵy jigit 10 jylǵa bas bostandyǵynan aıyryldy.

Atyraý oblystyq polıtsııa departamentiniń baspasóz qyzmetinen málim etkendeı, kúdikti byltyrǵy qyrkúıekte ustalǵan. 

«Ótken jyldyń qyrkúıek aıynda Atyraý qalasynyń úsh turǵyny esirtki zatyn zańsyz tasymaldap júrgen er adamdy baıqap, polıtsııaǵa habar bergen. Osyǵan baılanysty esirtki qylmysyna qarsy is-qımyl basqarmasynyń qyzmetkerleri 2001 jylǵy jigitti anyqtap, ustady. Oqıǵa ornyndaǵy tintý kezinde 23 jastaǵy kúdiktiden salmaǵy 13,66 gramm iri mólsherdegi psıhotroptyq zattar men 0,94 gramm bolatyn mefedron esirtkisi tárkilengen edi», -dep habarlady departamenttiń baspasóz qyzmeti.

Polıtsııa qyzmetkerleri kúdiktige qatysty sotqa deıingi tergeý júrgizip, isti sotqa joldady.

Atyraý oblysynyń qylmystyq ister jónindegi mamandandyrylǵan aýdanaralyq sotynyń úkimimen 23 jastaǵy jigit 10 jylǵa bas bostandyǵynan aıyryldy. 

Eske sala ketelik, buǵan deıin Atyraýda 5 kúnde 5 tonna prekýrsor men 3 myńǵa jýyq esirtki tárkilengenin jazǵan bolatynbyz.