Esirtki saýdalaýshylar tergeýmen yntymaqtastyqta bolsa da jaýapkershilikten bosatylmaıdy

 Іshki ister mınıstrligi tergeý organdarymen belsendi yntymaqtastyqta bolǵan esirtki saýdalaýshlardy jaýapkershilikti bosatý bastamasynan bas tartty, dep habarlaıdy Kazinform.

«Esirtki saýdalaǵany úshin tulǵalardy qylmystyq jaýapkershilikten bosatýǵa qatysty mynany habarlaımyz. Qazirgi ýaqytta qylmystyq zańnamaǵa mundaı ózgerister engizý asyǵystyq ekendigi týraly sheshim qabyldandy», - delingen agenttiktiń resmı saýalyna mınıstrlik bergen jaýapta.

Esterińizge sala ketsek, ótken jyldyń jeltoqsanynda Májiliste ótken esirtki qylmysyna qarsy is-qımyl taqyrybyndaǵy Úkimet saǵatynda Іshki ister mınıstri Erjan Sadenov esirtki ótkizip, birinshi ret qolǵa túsken jáne tergeýge jan-jaqty kómek kórsetken kúdiktiniń jaýapkershilikten bosatylýy múmkin ekendigin aıtqan bolatyn.

«Eger qylmys birinshi ret jasalsa, sondaı-aq kináli adam tergeý organdarymen belsendi yntymaqtastyqta bolsa, esirtki ótkizýshilerdi jaýapkershilikten bosatý múmkindigi qarastyrylady. Múmkindikti paıdalana otyryp, Májilis depýtattaryn osy túzetýlerdi zań jobasy aıasynda qarastyrýdy suraımyn», - degen dedi vedomstvo basshysy.