«Esirtki qoldanǵan» — Almatyda polıtsııa maıory qyzmettik kólikpen apatqa ushyrady

ALMATY. KAZINFORM — Almatyda esirtkige masaıǵan polıtsııa maıory qyzmettik kólikpen basqa jol-patrýldik mashınasymen soqtyǵysty. Osyǵan baılanysty qalalyq polıtsııa departamenti túsinik berdi.

Egov.press Telegram arnasynda 19 aqpanda esirtkige masaıǵan polıtsııa maıory qyzmettik kólikti basqaryp kele jatyp, Toyota markaly basqa jol-patrýldik mashınasyna soǵylǵany týraly aqparat paıda boldy.

«Narkologııalyq saraptama qorytyndysy boıynsha ustalǵan azamattyń zárinen „Mefedron“ hımııalyq esirtki zaty tabyldy», — delingen habarlamada.

Qalalyq polıtsııa departamentiniń baspasóz qyzmeti almatylyq polıtseıge qatysty tergeý bastalǵanyn málimdedi.

«Tártiptik komıssııanyń sheshimimen ol ishki ister organdarynan bosatyldy. Basqa birqatar basshy tártiptik jazaǵa tartyldy. Bul derek QR Іshki ister mınıstrligi basshylyǵynyń baqylaýynda», — dep atap ótti vedomstvodan.