Esirtki qylmysymen ustalǵan jasóspirimderdiń sany qansha

ASTANA. KAZINFORM — Іshki ister vıtse-mınıstri Sanjar Ádilov esirtkimen baılanysty qylmys úshin qamaýda otyrǵan jasóspirimderdiń sanyn atady.

— Búginde esirtki qylmysymen 49 jasóspirim ustaldy. Qylmystyq atqarý júıesiniń mekemelerinde 9 jasóspirim qamaýda otyr. Olar sottalǵanǵa deıin esepte turmaǵan jáne aqsha tabý maqsatymen qylmys jasaǵan. Almatyda ondaı adamdardy ustaýǵa arnalǵan jalǵyz kolonııamyz bar. Olarǵa dárister oqylyp, esirtkini qoldanýdyń saldary týraly túsindirý jumystary júrgiziledi. Bul jumystarǵa narkologtardy, psıhıatrlar men úkimettik emes uıymdardy shaqyramyz, — dedi vıtse-mınıstr Senat otyrysynda.

Sondaı-aq, ol esirtki qylmysynyń saldary týraly túsindirý jumystary qyzý júrgizilip jatqanyn aıtty.

— Jalpy, jastar arasynda nashaqorlyqtyń aldyn alý isinde qolda bar resýrstardyń bárin, ásirese úkimettik emes uıymdardy, BAQ-ty jáne kópshiliktiń áleýetin paıdalanamyz. Búgingi tańda esirtkige qarsy 15 myńnan astam is-shara ótkizildi. Onyń ishinde bilim berý uıymdary men joǵary oqý oryndarynda 1 mıllıonnan astam adam qamtyldy, — dedi Sanjar Ádilov.

Aıta keteıik, osyǵan deıin esirtki zerthanasyn jasaǵan 52 jastaǵy Qyzylorda turǵyny 12 jylǵa sottalǵany málim boldy.