Esirtki aınalymyna qarsy kúres: 6 uıymdasqan qylmystyq top joıyldy
ASTANA. KAZINFORM — Іshki ister mınıstrliginde keńeıtilgen alqa otyrysy ótti. Osy jıynda esirtki qylmysyna qarsy is-qımyl salasynda 1 880-nen astam esirtki qylmysynyń joly kesilgeni aıtyldy. Bul týraly Polisia.kz jazdy.
— Onyń ishinde bir transulttyq topty qosa alǵanda 6 uıymdasqan qylmystyq top joıylyp, 9 uıymdastyrýshy men 29 belsendi qatysýshy ustaldy. Zańsyz aınalymǵa jarty tonnadan astam sıntetıkalyq esirtkiniń túsýine jol berilmedi, — delingen habarlamada.
Mınıstr esirtki zerthanalaryn anyqtaý, prekýrsorlardy zańsyz jetkizý arnalarynyń jolyn kesý, esirtki bıznesiniń qarjylyq aǵyndaryn buǵattaý jáne jastar arasynda profılaktıkalyq jumysty kúsheıtýdi tapsyrdy.
Eske sala keteıik, Іshki ister organdarnda bıylǵy jyldyń birinshi jartyjyldyǵyndaǵy jedel-qyzmettik qyzmet qorytyndycy shyǵarylyp, aldaǵy kezeńge negizgi mindetter aıqyndaldy.
Jyl basynan beri transulttyq sıpatta, 38 qylmystyq is tirkelip, qylmystyq ortadan shyqqan 160-tan astam adam qylmystyq jaýapkershilikke tartyldy.
