ESPN: Jurtshylyq Golovkın men kishi Chavestiń jekpe-jegin kórgileri keledi
ASTANA. QazAqparat - Bokstan orta salmaqtaǵy WBA jáne IBO nusqalary boıynsha álem chempıony qazaqstandyq Gennadıı Golovkın ESPN tanymal amerıkandyq sport telearnasy ótkizgen daýys berýde jeńiske jetti, dep habarlady Vesti.kz.
Bul daýys berýdiń maqsaty saıtty paıdalanýshylardyń meksıkalyq Hýlıo Sezar kishi Chavestiń kelesi kezdesýin kimmen ótkizýi kerektigi jónindegi pikirlerin bilý bolatyn. Onyń qorytyndysy boıynsha bárinen kóp daýys jınaǵan Golovkın - 47 paıyz. Daýys berýge 26513 adam qatysqan.
Eske sala keteıik, qazaqstandyq boksshynyń kelesi qarsylasy kishi Chaves bolýy múmkin. Amerıkandyq sporttyq fýnktsıoner jáne Top Rank promoýterlik kompanııasynyń basshysy Bob Arým bul jekpe-jektiń kúzde bolýy yqtımal ekendigin málim etti.
