ESPN sarapshysy Golovkınniń kelesi qarsylasy kim bolatynyn aıtty

NUR-SULTAN. QazAqparat – ESPN telearnasynyń tilshisi Den Rafaeldiń pikirinshe, qazaqstandyq boksshy Gennadıı Golovkınniń kelesi qarsylasy ýkraınalyq Aleksandr Derevıanchenko bolady, dep habarlaıdy QazAqparat Sports.kz-ke silteme jasap.

«Golovkın Derevıanchenkomen 5 qazanda judyryqtasa alady. Sen qalaı oılaısyń, bul múmkin be?» degen saýal qoıdy oǵan twitter-de jankúıerlerdiń biri.

«Menińshe, bul kezdesý bolady»,-dep jaýap berdi oǵan Den.

Eger Golovkın men Derevıanchenkonyń kezdesýi ótetin bolsa, onda IBF tujyrymy boıynsha orta salmaqtaǵy álem chempıonynyń bos turǵan beldigi báske tigiledi. Atalmysh beldik buǵan deıin meksıkalyq Saýl Alvareske tıesili bolatyn. Kanelo odan Derevıanchenkomen shyǵý mindetinen qutylý úshin ádeıi bosatty.