ESPN Golovkınniń tálimgerin jyldyń úzdik bapkeri dep tanydy

ASTANA. QazAqparat - ESPN telearnasy ıspantildi aýdıtoııaǵa arnalǵan A Los Golpes baǵdarlamasynda «ESPN Boxeo 2017» syılyǵynyń jeńimpazdaryn atady, dep jazady Sports.kz.

«Jyldyń úzdik jekpe-jegi» atalymyna teń aıaqtalǵan Gennadıı Golovkın (37-0-1, 33 KO) men Saýl Alvarestiń (49-1-2, 34 KO) kezdesýi qoıylǵan bolatyn. Alaıda, bul atalymda Entonı Djoshýa (20-0, 20 KO) men Vladımır Klıchkonyń (64-5, 53 KO) jekpe-jegi úzdik dep tanyldy.

Jyldyń úzdik boksshysy ataǵyna úmitkerlerdiń tiziminde Golovkınniń esimi joq. Esesine syılyqty onyń bapkeri Abel Sanches jeńip aldy. ESPN sarapshylary Sanchestiń jeńilip kórmegen boksshy Gennadıı Golovkın men Mýrat Gassıevtiń (25-0, 18 KO) jetistikterine zor úles qosqanyn aıtty.