ESPN.com: «Golovkın Meıvezer men Pakıaonyń ornyn basýy múmkin»
ASTANA. QazAqparat - ESPN.com saıty Floıd Meıvezer men Mennı Pakıao mansaptaryn aıaqtaǵannan keıin olardyń ornyn basýǵa qaýqarly boksshylardy atady, dep habarlady Sports.kz.
Saıtta daýys berýge qatysýshylar men sarapshylardyń pikirinshe, bos qalǵan oryndy basýǵa úmitkerdiń biri - birneshe nusqa boıynsha orta salmaqtaǵy qazirgi álem chempıony Gennadıı Golovkın.
«Gennadıı Golovkın. Ǵalamshardaǵy eń myqty boksshylardyń biri de biregeıi. Jasy 34-te, rekordy 34-0 (31 KO). Uzaq ýaqyt orta salmaq dárejesinde úzdik keledi, ol Saýl Alvarespen jekpe-jegin kútip júr. Óz dıvızıonyn «tazalaǵannan» keıin 168 fýntqa kóterilip, úlken qarsylas izdeýge shyǵýy múmkin», - dep jazylǵan materıalda.
