Espeli slalomnan Qazaqstan quramasy Taılandta altyn medal jeńip aldy
ASTANA. KAZINFORM — Taılandtyń Raıong qalasynda ótip jatqan reıtıngtik týrnırde Espeli slalomnan Qazaqstan quramasy altyn medal enshiledi, dep habarlaıdy UOK baspasóz qyzmeti.
— Otandasymyz Aleksandr Kýlıkov kanoemen esýde jekeleı saıysta top jardy. Keıgo ıAmamoto (Japonııa) ekinshi oryn aldy. Al Sevan Bıllo (Aýstralııa) úzdik úshtikti túıindedi, — delingen habarlamada.
Sonymen qatar, Qýanysh Erenǵaıypov tórtinshi orynǵa ıe boldy.
Budan buryn Túrkistanda Orta Azııada teńdesi joq «Eskek esý» arnasy ashylǵanyn jazǵan edik.
Sonymen qatar, Ulytaý oblysynda eskek esý mektebi paıdalanýǵa berildi.
