Espaeva depýtattardyń saýaly týrasynda: Quryltaı basshylyǵy eshqandaı shekteý qoımaıdy

- Depýtattyq saýal – ár depýtattyń derbes sheshimi. Jańa reglament boıynsha bir saýaldy jarııa etýge tórt mınýtqa deıin ýaqyt beriledi... Quryltaı basshylyǵy depýtattyq saýaldyń taqyrybyn, mazmunyn qaramaıdy jáne shekteý qoımaıdy. Atap aıtqanda, saýaldar árbir fraktsııaǵa jáne depýtattyń óziniń daıyndyǵyna baılanysty, - dedi D. Espaeva Quryltaıdyń jalpy otyrysynan keıingi baspasóz máslıhatynda.

Jańa Reglamenttegi depýtattyq saýaldardyń tártibi

Depýtattyq saýal – Quryltaı otyrysynda depýtattyń memlekettik organdardyń laýazymdy adamdaryna osy organnyń nemese laýazymdy adamnyń quzyretine kiretin máseleler boıynsha Quryltaı sessııasynda negizdelgen túsindirme berýin nemese óz ustanymyn baıandaýyn resmı suraǵan talaby.

- Quryltaı depýtatynyń Qazaqstan Respýblıkasynyń Premer-mınıstri men Úkimeti múshelerine, Ulttyq banki tóraǵasyna, Ortalyq saılaý komıssııasynyń tóraǵasy men múshelerine, Bas prokýroryna, Ulttyq qaýipsizdik komıtetiniń tóraǵasyna, Joǵary aýdıtorlyq palatasynyń tóraǵasy men múshelerine, astananyń, oblystardyń jáne respýblıkalyq mańyzy bar qalalardyń ákimderine saýal joldaýǵa quqyǵy bar.

Bas prokýrorǵa ne quqyq qorǵaý organdarynyń jáne arnaýly memlekettik organdardyń birinshi basshylaryna joldanǵan saýal qylmystyq qýdalaý fýnktsııalaryn júzege asyrý máselelerine qatysty bola almaıdy. Ulttyq qaýipsizdik komıtetiniń tóraǵasyna joldanǵan saýaldardy qaraý Quryltaıdyń jabyq otyrystarynda júrgiziledi, - delingen Quryltaı Reglamentinde.

Atap aıtqanda, saýal Quryltaı otyrysynda kún tártibine engizilgen máseleler qaralǵannan keıin jarııa etiledi. Quryltaı qatysyp otyrǵan depýtattar sanynyń kópshilik daýysymen depýtattyq saýaldardy jarııa etýdiń ózge tártibin belgileı alady. Bir saýaldy jarııa etýge tórt mınýtqa deıin ýaqyt beriledi. Belgilengen ýaqyttan asyp ketken kezde sóıleýshiniń mıkrofony avtomatty túrde óshiriledi.

Quryltaı Apparaty depýtattyq saýal jarııa etilgen kúnnen bastap úsh kún merzimde ony tıisti laýazymdy adamǵa jiberedi, bul týraly saýalǵa qol qoıǵan depýtatqa (depýtattarǵa) habarlaıdy.

Munymen qosa, saýalǵa beriletin jaýapty depýtattyń talap etýi boıynsha laýazymdy adam Quryltaı otyrysynda jarııa etedi.

Bul jaǵdaıda Quryltaı Bıýrosynyń usynysy boıynsha depýtattyq saýalǵa beriletin jaýapty jarııa etý týraly másele Quryltaı otyrysynyń kún tártibine engiziledi.

Otyrysta saýaldyń qysqasha mazmuny jóninde sóz sóıleý úshin aldymen depýtatqa sóz beriledi. Sóz sóıleý uzaqtyǵy – úsh mınýtqa deıin. Sodan keıin saýalǵa beriletin jaýapty jarııa etý úshin laýazymdy adamǵa sóz beriledi. Sóz sóıleý uzaqtyǵy – on mınýtqa deıin.

- Depýtattar laýazymdy adamǵa depýtattyq saýaldyń taqyryby boıynsha suraqtar qoıýǵa quqyly. Suraqtar qoıýǵa jáne olarǵa jaýap berýge arnalǵan ýaqyttyń jalpy uzaqtyǵy – otyz mınýtqa deıin. Saýalǵa berilgen jaýap boıynsha jaryssóz ashylýy múmkin. Qajet bolǵan kezde saýalǵa berilgen jaýap jáne ony talqylaý nátıjeleri boıynsha Quryltaı qaýlysy qabyldanady. Depýtattyq saýal men oǵan berilgen jaýap buqaralyq aqparat quraldarynda jarııalanýy múmkin, - dep atalyp ótken reglamentte.

Depýtattar Quryltaı otyrysynda Qazaqstan Respýblıkasynyń Premer-mınıstri men Úkimeti múshelerine, Ulttyq banki tóraǵasyna, Ortalyq saılaý komıssııasynyń tóraǵasy men múshelerine, Bas Prokýroryna, Ulttyq qaýipsizdik komıtetiniń tóraǵasyna, Joǵary aýdıtorlyq palatasynyń tóraǵasy men múshelerine aýyzsha suraqtarmen júginýge quqyly.

Budan buryn habarlanǵandaı, depýtat Snejanna Imasheva Quryltaıdyń úılestirýshi organyna qatysty túsinik berdi.