Esmıgúl Kýıýlova men Ádilet Almat dzıýdodan Azııa chempıonatynyń jartylaı fınalyna shyqty
ASTANA. KAZINFORM – Qazaqstan quramasynyń dzıýdoshylary Esmıgúl Kýıýlova men Ádilet Almat Qytaıdyń Ordos qalasynda ótip jatqan Azııa chempıonatynyń jartylaı fınalyna ótti.
63 kelige deıingi salmaqta Esmıgúl Kýıýlova shırek fınalda Ońtústik Koreıa sportshysy E Djı Kımdi jeńdi. Fınalǵa shyǵý úshin ol Soltústik Koreıadan kelgen Djı He Kımmen kezdesedi.
81 kelige deıingi salmaqta Ádilet Almat shırek fınalda Qazaqstan quramasynyń taǵy bir múshesi Abylaıhan Jubanazardy jeńip ketti. Onyń kelesi qarsylasy keıin anyqtalady.
Sonymen qatar jubanysh beldesýlerine 57 kelige deıingi salmaqta Dana Ábdirova jáne 81 kelige deıingi salmaqta Abylaıhan Jubanazar qatysady. Bul kezeńde sportshylar medal alý úshin synǵa túsedi.
Osyǵan deıin Azııa chempıonatynda eki dzıýdoshymyz merziminen buryn shırek fınalǵa joldama alǵanyn habarlaǵan edik.
