Esmıgýl Kýıýlova dzıýdodan Azıadanyń qola júldesin jeńip aldy
Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda dzıýdodan jarys jalǵasyp jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Áıelder arasynda 63 kelidegi Esmıgýl Kýıýlova 3-oryn úshin ótken beldesýde Ózbekstan sportshysy Marjona Nýrýllaevamen jolyǵyp, qosymsha ýaqytta basym tústi.
Aıta keteıik, otandasymyz 2023 jyly Hanchjoýdaǵy Azıada da qola júlde enshilegen bolatyn.
Búgingi jarys kúni áli Ádilet Almat (81 keli) pen Ajar Ashat (70 keli) fınalda kúresedi.
Osyǵan deıin dzıýdodan Almat Ádilet pen Ajar Ashat Azıadanyń altyn júldesin sarapqa salatyny týraly jazdyq.
