Esmaǵambetov «Er Tóstik» mıýzıkli úshin Golovkınniń sılıkon músinin jasaýdy keıinge qaldyrdy
ASTANA. QazAqparat - Qazaq halyq ertegisi jelisimen qurylǵan «Er Tóstik» mıýzıkliniń premerasyna deıin sanaýly saǵattar qaldy. «QazAqparat» HAA tilshisi ártisterge arnalǵan kostıýmder ázirlenetin sheberhanada bolyp qaıtty.
Kostıýmdermen jumys isteý úshin qazaqstandyq sýretshi, músinshi Aıdos Esmaǵambetov shaqyrtylǵan. Ol Nursultan Nazarbaev pen Barak Obamanyń sılıkon músinin salyp aty shyqqan bolatyn. Osy tabysynan keıin ol belgili boksshy Gennadıı Golovkınniń músinin jasaýdy bastamaq bolǵan. Ony mıýzıkl úshin shamaly ýaqytqa keıinge qaldyrýǵa týra kelgen.
«Er Tóstik» syndy aýqymda alǵash ret shyǵyp otyr. Bundaǵy basty keıipkerler Taýsoǵar, Temir han jáne Dııýdiń dýlyǵalary. Obrazdyń eskızderin kostıýmerler men rejısserler oılastyrady. Al men eskızben jumys isteımin. Bir dýlyǵany daıyndaýǵa shamamen bir kún ketedi. Taýsoǵar men Temirhannyń dýlyǵasy qarapaıym sport materıalynan jasaldy. Kostıýmdermen aınalysyp jatqanyma bir aı bolyp qaldy», - dedi ol.
Sýretshiden basqa kostıým tigýmen birneshe tiginshi aınalysýda. Bir kostıýmdi tigýge úsh kúndeı ýaqyt ketedi.
