Esildegi fontanǵa ₸1 mlrd ysyrap qylǵan mádenıet basqarmasy eks-bastyǵy ustaldy
ASTANA. KAZINFORM — Qarjylyq monıtorıng agenttigi Astana qalasynyń mádenıet basqarmasynyń burynǵy basshysy men merdiger uıym ókilderine qatysty asa iri kólemde bıýdjet qarajatyn jymqyrý faktisi boıynsha sotqa deıingi tergeý amaldaryn júrgizip jatyr.
2016 jyly Astana kúni merekesine oraı salynǵan «Kún» (Esil ózenindegi jaryq-ıllıýmınatsııalyq jáne ot shoýy) sýburqaǵynyń qurylysy kezinde memlekettik satyp alý rásimi júrgizilmeı tikeleı kelisimshart jasalǵan.
Sýburqaq jobalyq qujattamasyz jáne memlekettik saraptamadan ótpeı salynǵan.
Qurylys barysynda tehnıkalyq sıpattamalarǵa sáıkes kelmeıtin sapasyz materıaldar qoldanylǵan.
Nátıjesinde atalǵan nysan 2017 jyldan bastap jumys istemeı, qazirgi tańda apatty jaǵdaıda tur.
Urlanǵan qarajattyń kólemi 1 mlrd teńgeden asyp otyr.
Kúdikti, Astana qalasynyń mádenıet basqarmasynyń burynǵy basshysy ustalyp, ýaqytsha ustaý ızolıatoryna qamaldy. Tergeý aıasynda onyń múlkine tyıym salyndy.
Onyń ishinde 3 kommertsııalyq nysan, 2 avtoturaq orny jáne Astana qalasyndaǵy premıým sanattaǵy páter bar.
Atalǵan is boıynsha kúdiktilerge tıesili 572 mıllıon teńgeniń múlkine shekteý qoıyldy.
QR QPK 201-babyna sáıkes, sotqa deıingi tergep-tekserý derekteri jarııalanbaıdy.
