Prezıdent mádenıet, bilim berý, tálimgerlik máselelerine qatysty qujatqa qol qoıdy

ASTANA. KAZINFORM - Memleket basshysy «Qazaqstan Respýblıkasynyń keıbir zańnamalyq aktilerine mádenıet, bilim berý jáne tálimgerlik máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Bul týraly Aqordanyń baspasóz qyzmetinen málim boldy.

Президент подписал, Қасым-Жомарт Тоқаев қол қойды
Фото: Akorda

Zań ulttyq zańnamany jetildirýge, onyń ishinde memlekettik tildiń qoldanylýyn keńeıtýge, onyń mártebesin nyǵaıtýǵa, bala quqyqtaryn qorǵaýǵa jáne bilim berý júıesin damytýǵa baǵyttalǵan.

Máselen, jetim balalar men ata-anasynyń qamqorlyǵynsyz qalǵan balalarǵa tálimgerlik ınstıtýtyn retteý úshin zańnamaǵa «tálimgerlik jónindegi uıym» uǵymy engiziletin boldy. Tálimger bolýǵa úmitker adamdar mindetti túrde tálimgerlik boıynsha oqýdan ótýi tıis bolady, sondaı-aq tálimgerlik jónindegi oqýdy uıymdastyratyn uıymdardyń quqyqtary men mindetteri aıqyndalady.

Ulttyq sózdik qory men Qazaq tiliniń ulttyq korpýsyn qurý týraly erejeler engiziledi, olar mátinder men sózdik qoryna qol jetkizýdi, sondaı-aq jasandy ıntellekti paıdalana otyryp, til úlgisin qalyptastyrýdy qamtamasyz etedi.

Daryndy oqýshylardy memlekettik qoldaý jáne olardyń ǵylymı jumysyn yntalandyrý maqsatynda halyqaralyq ǵylymı jobalar konkýrstarynyń jeńimpazdary men júldegerlerine memlekettik bilim berý granttaryn konkýrstan tys berý jónindegi ereje bolatyn boldy.

Zańnyń mátini baspasózde jarııalanady.

Osyǵan deıin Memleket basshysynyń aqparatqa qol jetkizýge qatysty zańǵa qol qoıǵany týraly habarladyq.

 

Сейчас читают