Esil ózeniniń boıynda biryńǵaı qoǵamdyq keńistikter salynady
ASTANA. KAZINFORM – Memleket basshysy Qasym-Jomart Toqaev «Taza Qazaqstan» ekologııalyq aktsııasy aıasynda jaýapty memlekettik organdar basshylarynyń esebin tyńdady.
Prezıdent saıabaǵynda Astana ákimi Jeńis Qasymbek elordany keshendi túrde kóriktendirý men kógaldandyrý jumystary júrip jatqanyn baıandady.
Shahar basshysynyń aıtýynsha, sońǵy jyldary Astanada 500-ge jýyq aýla men qoǵamdyq keńistik abattandyryldy, jyl sońyna deıin 170-ten astam aýla men qoǵamdyq oryn, sonyń ishinde parkter, gúlzarlar men býlvarlar retke keltiriledi.
Memleket basshysyna Esil ózeniniń boıynda qoǵamdyq jáne rekreatsııalyq keńistikterdiń biryńǵaı júıesi qalyptasyp kele jatqany týraly málimet berildi. Osy jumystar aıasynda qalanyń túrli bóligindegi parkter, serýen jáne sport aýmaqtary tutas jasyl beldeýge biriktiriledi.
Osylaısha elordada sý boıynda 27 shaqyrym úzdiksiz marshrýt qurylady. On shaqyrym jaǵalaý abattandyrylady.
Óz kezeginde Ekologııa jáne tabıǵı resýrstar mınıstri Álibek Qýantyrov Memleket basshysynyń «Taza Qazaqstan» bastamasy júzege asyryla bastaǵan kezden beri 2 myńnan astam ekologııalyq is-shara uıymdastyrylǵanyn baıandady. Onyń aıasynda 3,8 mıllıon tonna qoqys jınalyp, 10 myńdaı qoqys tógetin oryn joıylǵan.
Aıta keteıik, Memleket basshysy Qasym-Jomart Toqaev «Taza Qazaqstan» ekologııalyq aktsııasyna qatysty jáne jas ekobelsendilermen birge Prezıdent saıabaǵy aýmaǵynda aǵash ekti.
Eske sala ketsek, 19 qyrkúıekte Dúnıejúzilik tazalyq kúni (World Cleanup Day) atalyp ótedi. Bul kúni elimizdiń barlyq óńirinde «Taza Qazaqstan» jobasy aıasynda aýqymdy ekologııalyq aktsııalar ótedi.
