Esil ózeninen er adamnyń máıiti tabyldy
ASTANA. KAZINFORM – Astanada Esil ózeninen er adamnyń máıiti tabylyp, bul derek boıynsha qylmystyq is qozǵaldy.
Polıtsııanyń málimetinshe, qaza tapqan azamattyń jeke basy anyqtaldy. Onyń elordadalyq 54 jastaǵy turǵyn ekeni belgili boldy.
– Marqumnyń denesinen zorlyq-zombylyq belgileri anyqtalǵan joq. Qazirgi ýaqytta tergeý amaldary júrgizilip jatyr. Oqıǵanyń mán-jaıy tergeý barysynda anyqtalady, - dep habarlady Astana qalalyq Polıtsııa departamenti.
Pavlodarda Ertis ózeninde qaıyq aýdarylyp, bir adam sýǵa ketkenin jazǵanbyz.
Sonymen qatar, Ertis ózeninde sýǵa ketken er adamnyń múrdesi alty táýlikten soń tabyldy.
