Esil ózeninde sý deńgeıi áli de kóterilip keledi - Qazgıdromet

ASTANA. KAZINFORM – Esil ózeninde sý deńgeıi áli de kóterilip keledi. Bul týraly «Qazgıdromet» RMK baspasóz hatshysy Alına Ysmaǵulova aıtty.

«Soltústik jáne ońtústik tsıklondar jáne olarmen baılanysty atmosferalyq frontaldy bólinister Qazaqstannyń basym bóliginde naızaǵaıly, jańbyrly aýa-raıyn týdyrady. Ońtústiktiń taýly aımaqtarynda qatty jańbyr jaýady. Eldiń soltústiginde túngi ýaqytta jaýyn-shashyn bolady. Respýblıka boıynsha tuman, jel kúsheıedi dep kútilýde», - dedi ol Ortalyq kommýnıkatsııalar qyzmetindegi brıfıngte.

Onyń dereginshe, Aqmola oblysyndaǵy Esil ózeniniń gıdrologııalyq beketinde sý deńgeıi 12 saǵatta 21 sm-ge kóterilgen. Al Petropavl qalasynda Esil ózeniniń gıdrologııalyq beketinde sý deńgeıiniń kúrt kóterilýi baıqaldy. Sý deńgeıi táýlik ishinde 144 sm-ge artty. Al Dolmatovo aýyly tusynda Esil ózeniniń gıdrologııalyq beketinde sý deńgeıi táýlik ishinde 135 sm-ge kóterildi.