Esil kontrrettegishin salý jobasy memlekettik saraptamadan oń qorytyndy aldy

ASTANA. KAZINFORM – 870 mln tekshe metr sý jınaıtyn Aqmola oblysynda Esil kontrrettegishin salý jobasy memlekettik saraptamadan oń qorytyndy aldy.

Sý resýrstary jáne ırrıgatsııa mınıstrligi málimetinshe, nysan 873 mln tekshe metrge deıin tasqyn sý jınaýǵa múmkindik beredi. Nátıjesinde Aqmola jáne Soltústik Qazaqstan oblystaryndaǵy eldi mekenderdi sý basýdan qorǵaıdy.

Jobany bıyl Azııa damý bankiniń qoldaýymen júzege asyrýdy bastaý josparlanyp otyr.

Aıta keteıik, byltyr jeltoqsannyń basynda Sý resýrstary jáne ırrıgatsııa mınıstrligi men halyqaralyq qarjy uıymy ózara túsinistik pen yntymaqtastyq týraly memorandýmǵa qol qoıǵan bolatyn.

– Kontrrettegish tasqyn sýdyń bir bóligin jınaýǵa jáne qaıta baǵyttaýǵa múmkindik beredi. Bul onyń Esil ózeniniń tómengi aǵysynda qaýipsiz ótýin, sondaı-aq Soltústik Qazaqstan oblysynyń Sergeev jáne Petropavl sý qoımalarynyń turaqty jumysyn qamtamasyz etedi. Budan bólek, nysan 25 myń gektarǵa deıin sýarmaly jerdi sýmen qamtamasyz etedi, – dedi Sý resýrstary jáne ırrıgatsııa vıtse-mınıstri Erbolat Ibraıhanov.

Aıta keteıik, ShQO-da iri sý nysany 30 jyldan keıin alǵash ret qaıta jańartylyp jatyr.

Árbir azamat sý aıdyndaryn demalý, serýendeý, shomylý nemese áýesqoı balyq aýlaý úshin erkin paıdalana alady. Bul — onyń ortaq sý paıdalaný quqyǵy jáne ol ár adamǵa týǵannan beriledi.