Esil-Arqalyq ótkelinde poıyzben soqtyǵysqan traktorshy qaza boldy

ASTANA. KAZINFORM — Oqys oqıǵa 27 sáýirde saǵat 08:55–te Esil-Arqalyq ýchaskesiniń retteletin temirjol ótkelinde boldy, dep habarlaıdy QTJ baspasóz qyzmeti.

Oqıǵa saldarynan traktorshy aýyr jaraqattan kóz jumdy.

— Turaqty jumys istep turǵan ótkeldegi belgi berýge qaramastan, traktor júrgizýshisi qozǵalyp kele jatqan poıyz aldyna shyǵyp ketip, jol erejesin óreskel buzdy. Mashınıst shuǵyl tejeýdi qoldandy, biraq soqtyǵysýdyn aldyn alý múmkin bolmady. Oqıǵa saldarynan traktor júrgizýshisi ómirine qaýip tóngen jaraqat aldy, — delingen habarlamada.

QTJ avtokólik quraldary júrgizýshilerin temirjol ótkelderin kesip ótý kezinde jol qozǵalysy erejelerin saqtaýǵa, ótkeldegii dabyl sıgnaldaryn qatań saqtaýǵa jáne erejelerdi elemeý qaıǵyly saldarǵa ákelýi múmkin ekenin este saqtaýǵa shaqyrady.

Osyǵan deıin QTJ temirjol ótkelinde ereje buzǵan jaıaý júrginshilerge jaýapkershilikti qatańdatatyny aıtyldy.