Eskirgen JES-terdi ınnovatsııalyq kómir stansalary almastyrýy kerek — Prezıdent
ASTANA. KAZINFORM — Biz qolda bar tabıǵı baılyqtarymyz ben múmkindikterimizdi utymdy paıdalanýymyz qajet. Bul pikirdi Prezıdent Qasym-Jomart Toqaev aıtty.
Onyń sózinshe, sondyqtan áldeqashan eskirgen tehnologııalar boıynsha salynǵan JES-terdi ınnovatsııalyq kómir stansalary almastyrýy kerek.
— Elimiz ózin-ózi elektr energııasymen tolyq qamtamasyz etip, 15-20 paıyz shamasynda rezerv qalyptastyrýǵa tıis. Bul — Úkimettiń aldynda turǵan mindet. Sondyqtan aldaǵy eki jylda keminde 3 gıgavattyq jańa qýat kózderin iske qosý qajet. Bul — aldyńǵy jyldardyń kórsetkishinen 2,5 esedeı artyq meje, − dedi Prezıdent Úkimettiń búgingi keńeıtilgen otyrysynda.
Bul rette Prezıdent Qazaqstannyń kómirtegi beıtaraptyǵyna qol jetkizý týraly strategııalyq baǵdary ózgermeıtinin aıtty. Alaıda ony júzege asyrýǵa barynsha baıyppen, salmaqty túrde qaraǵan jón.
— Biz qolda bar tabıǵı baılyqtarymyz ben múmkindikterimizdi utymdy paıdalanýymyz qajet. Sondyqtan áldeqashan eskirgen tehnologııalar boıynsha salynǵan JES-terdi ınnovatsııalyq kómir stansalary almastyrýy kerek. Qytaı men Ońtústik Koreıada zııandy shyǵaryndylary az, jańa býyn kómir stansalary tabysty jumys istep tur. Ókinishke qaraı, kezinde Balqashta kómir elektr stansasy salynbaı qaldy. Sonyń kesirinen biz myqty qýat kózinen aırylyp qaldyq. Al ondaı stansa bizge qazirgi tańda artyq bolmaıtyn edi, — deıdi Toqaev.
Buǵan deıin Memleket basshysy ınternette arandatýshylyq aqparat taratqany úshin jaýapqa tartýdy zańmen bekitý jóninde usynys aıtqan edi.