Eskirtki saýdasyna qatysy bar 108 kúdikti izdeýde júr - ІІM

ASTANA. QazAqparat – Elimizde sıntetıkalyq esirtkige saraptama jasaý ádistemesi eskirgen. Úkimet otyrysynda Іshki ister mınıstri Marat Ahmetjanov osyndaı problema kóterdi, dep habarlaıdy QazAqparat tilshisi.

«Qazaqstanda alǵashqy sıntetıkalyq esirtkiler shamamen 10 jyl buryn paıda boldy. Al zertteý quraldary men ádistemesi eski kúıde. Qazirgi tańda «sıntetıkanyń» kún saıyn

jańa túrleri shyǵyp jatyr. Keıingi 4 jylda tárkilengen «sıntetıka» kólemi 100 ese ósti.

Mundaı esirtkiniń sot saraptamasy kúrdeli sanatqa jatady. Ony ótkizýge 1 aı nemese odan da kóp ýaqyt ketedi», - dedi Marat Ahmetjanov.

Onyń sózinshe, bul tergeý sapasyna keri áserin tıgizedi.

«Kúdiktilerge qarsy «jazanyń bultartpastyq» prıntsıpi saqtalmaı keledi. Mysaly, sarapshynyń qorytyndysy shyqpaı, «qamaqqa alý» sharasyn qoldaný múmkin emes. Osynyń kesirinen, búgin 108 qylmyskerge izdeý jarııalandy.

Sondyqtan sot saraptamasy organdaryn zamanaýı jáne sapaly quraldarmen jabdyqtaý kódelip otyr», - dedi mınıstr.