Eski jyl esirkep, Jańa jyl jarylqasyn, aǵaıyn! - D.Myńbaı
ASTANA. 29 jeltoqsan. QazAqparat - QR Mádenıt jáne aqparat mınıstri Darhan Myńbaı mádenıet qyzmetkerlerin, BAQ shyǵarmashyl ujymdaryn kele jatqan Jańa jyl merekesimen quttyqtady.
Bul týraly QR Mádenıet jáne aqparat mınıstrliginiń saıtynda habarlandy.
«Qurmetti dostar! Tabaldyryǵymyzdan attaǵaly turǵan 2013 jyl qutty bolsyn!
«Ótken jylǵa ókpe joq, keler jyldan úmit kóp». Jańa jyl jarqyn oqıǵalarǵa, jańa premeralarǵa, ıgi ister men shyǵarmashylyq jańalyqtarǵa toly bolsyn. San qyrly mádenıetimiz ben ónerimizdiń baǵyndyrar belesteri, alar asýlary kóp bolsyn.
Keler jyl BAQ ókilderine de jaqsy jańalyqtardyń habarshysy bolýǵa jazyp, mazmundy jarııalanymdar men reportajdar kóbeıip, basylymdardyń tırajy eselenip ósetin jyl bolýyna tilektestik bildiremiz.
Jańa jyl qarsańynda, denderińizge saýlyq, otbasylaryńyzǵa bereke-birlik tileımiz.
Eski jyl esirkep, Jańa jyl jarylqasyn, aǵaıyn!», - delingen quttyqtaýda.
