Eski «Zaporojets» 100 myń eýro turatyn «Porsheni» soǵyp ketti
ASTANA. 18 qyrkúıek. QazAqparat - Moldovanyń Dýrleshty (Kıshınev mańynda) qalasynda «Zaporojets» markaly kóligi Porsche Panamera markaly kólikke soǵylyp qaldy. Bul týraly Publika.md. habarlaıdy. Júrgizýshiler zardap shekken joq.
"Zaporojetstiń" ıesi óz kinásin moıyndapty. Onyń aıtýynsha, «Porshe» júrgizýshisi qatty jyldamdyqpen kelip, tez toqtaǵan kezde, rýlge ıe bola almaı, onyń artynan kelip soqqan. «Óz kinámdy moıyndaımyn. Keltirgen shyǵynymdy óteımin», - deıdi ol.
«Porsheniń» ıesi oqıǵany anekdottaǵydaı boldy dep otyr. «Endi ne isteımiz?! Qolymen jasaǵanyn moınymen kótersin», - dedi ol.
Artqy qanaty men bamperi maıysqan «Porsheni» jóndeý shamamen 5 myń eýro bolady. Bul soma «Zaparejetstiń» qunynan áldeqaıda kóp ekeni de túsinikti. Al 2012 jyly shyqqan Porsche Panamera keminde 100 myń eýro turady. https://ru.publika.md/link_633081.html
