Eski nemese osal lıftterdi qalaı aýystyrýǵa bolady?
ASTANA. QazAqparat - Búgingi tańda elordada kóp páterli úılerdegi lıftterdi aýystyrý jumystary júrgizilip jatyr, dep habarlaıdy Astana ákimdiginiń resmı saıty.
Qazir qaladaǵy ondaǵan kóp páterli úılerde birqatar problemalar bar. Biriniń paıdalaný merzimi ótip ketse, basqalarynyń sapasy syn kótermeıdi. Ákimdik atalmysh máseleni sheshý maqsatynda barlyq amaldardy qolǵa alǵan. Qurylys kompanııalary basshylarymen ótken sońǵy keńeste Astana ákimi barlyq lıft mekemelerin tekserýdi tapsyrdy. Olar talaptarǵa saı emes dep tanylǵan jaǵdaıda, qyzmet kórsetýden shettetiletin bolady. Sonymen qatar, ákimdik lıft kompanııalaryna qoıylatyn talaptar men jaýapkershiliktiń kúsheıtilýin kózdeıtin zańnamaǵa túzetýlerdi daıyndaǵan.
Sonymen birge, atalmysh problemany tez ári tıimdi sheshý úshin memleket birqatar sharalar keshenin usynady. Máselen, «2020 jylǵa deıingi Óńirlerdi damytý» baǵdarlamasyna júginýge bolady. Eski nemese aqaýy bar lıftterdi aýystyrǵysy keletin PIK men turǵyndar memlekettiń kómek qaryz ala alady. Lıftterdiń jumysyn jańǵyrtý tek turǵyn úı ǵımarattarynyń ıeleri jınalysynyń sheshimimen iske asyrylady. Oń sheshim qabyldanǵannan keıin hattama men qajetti qujattar Astana qalasy ákimdiginiń qalalyq orta sapasy men baqylaý basqarmasyna joldanady. Jınalǵan qujattardyń negizinde lıft qurylǵysy tehnıkalyq qaraýdan ótkiziledi. Oǵan tıisti aktiler, ekonomıkalyq saraptamanyń qorytyndysy beriledi. Páter ıeleri smetalyq qujattardy ózderi bekitip, merdiger mekemeni, lıft markasyn tańdap, oryndalǵan jumysty qabyldaýǵa qatysady. Orta eseppen memleketten kómek qaryzdy 15 jylǵa alǵanda ár páter 2-3 myń teńgeden tóleıtin bolady.
«Bul somanyń mólsheri 15 jylda ózgermeıdi. Dálirek aıtqanda, kelisimde kórsetilgen soma turaqty jáne ol ekonomıkalyq protsessterge táýeldi bolmaıdy», - dep túsindirdi «Órken qala» JShS mamandary.
Qazirgi tańda Petrov kóshesi 20 úı meken-jaıy boıynsha ornalasqan úıde lıftti aýystyrý jónindegi kelisim bekitilgen. 12 kóp páterli turǵyn úıde 29 lıft qurylǵysyn aýystyrýdy jobalaý júrgizilip jatyr. Olardyń arasynda «Samal» shaǵyn aýdanyndaǵy úıler (Jangeldi k-si 3, Petrov k-si 26/1) bar. Sondaı-aq, Kúmisbekov kóshesindegi 6-shy úıde 3 lıft, Bógenbaı batyr dańǵylyndaǵy «Svechkı» TK-de lıftter aýystyryldy. Mundaǵy turǵyndar memlekettiń kómek qaryzyn alǵan bolatyn.
«Bastamashylar tobynyń jumysyn durystap uıymdastyrý kerek. Bul top kúni-túni jumys isteýi shart. Turǵyndarymyz óte enjar. Áleýmettik jelilerde qyzý talqylap, durys keńester bergenimen, eshqandaı isti tyndyrmaıdy. Sol sebepti bastamashylar tobyn ózimiz quryp, páterlerge baryp qoltańbalardy jınap júrmiz. Bizdiń úıde páterlerdi jaldap turatyn azamattardyń sany óte kóp. Osy tusta biz birqatar kedergilerge tap boldyq. Qojaıyndardyń baılanys telefondaryn taýyp, olarǵa qońyraý shalyp, sóılesken edik. Biz baǵdarlamaǵa qosylýymyz úshin qajettiniń barlyǵyn istedik», - deıdi turǵyndardyń bastamashyl tobynyń ókili Svetlana Lı.
Aıta keteıik, «2020 jylǵa deıingi Óńirlerdi damytý baǵdarlamasynyń» aıasynda 2011 jyldan bastap búginge deıin Astananyń turǵyn úılerinde 165 lıft aýystyrylyp, paıdalanýǵa berildi.
