Eski mamandarmen jańa Qazaqstandy qalaı quramyz: Prezıdent jurt kókeıindegi saýalǵa jaýap berdi
«Negizi, kadr máselesi óte kúrdeli ári asa mańyzdy. Rasynda, kóp nárse bilikti kadrlarǵa baılanysty. Meniń bastamam boıynsha Prezıdenttik jastar kadrlyq rezervi quryldy. Kadrlyq rezervke ótken azamattar birtindep jaýapty qyzmetke taǵaıyndalyp jatyr. Árıne, munymen shektelýge bolmaıdy. Basqa da adamdarǵa jol ashýymyz kerek», - dedi Memleket basshysy.
QR Prezıdenti memlekettik qyzmetshilerge qoıylatyn talap óte joǵary bolýǵa tıistigin basa aıtty.
«Kez kelgen adam birden mınıstr nemese ákim bola salmaıdy. Ol anyq nárse. Biraz ýaqyt, mol tájirıbe kerek. Ondaı laýazymǵa bilimdi, bilikti, qyzmetine adal azamattardy taǵaıyndaǵan jón. Burynǵy mamandardyń bárin jumystan shyǵarý durys bolmas edi. Oryssha «polıtıcheskaıa chıstka», ıaǵnı «saıası tazalaýǵa» barýdyń qajeti joq. Memlekettik basqarý salasyna birte-birte jańa mamandar keledi. Kelip te jatyr. Bul – qalypty úderis. Biraq, bir nárseni este ustaǵan jón. Memlekettik qyzmet – eksperıment alańy emes! Sondyqtan bul jumysty birte-birte júrgizemiz», - dedi Qasym-Jomart Toqaev.
