Eski kólikterin tapsyrǵandarǵa jeńildik sertıfıkattary berile bastaıdy

ASTANA. QazAqparat - 26 maýsymnan bastap tozyǵy jetken kólikterdi tapsyrǵandarǵa jańa kólik satyp alýǵa jeńildik sertıfıkatyn berý  baǵdarlamasy iske qosylady. QR Energetıka mınıstrliginiń tapsyrmasymen jasalǵan baǵdarlamany «ÓKM Operatory» JShS  QR Investıtsııalar jáne damý mınıstrligimen, otandyq avtoóndirýshilermen birge ázirledi, dep habarlaıdy QazAqparat.

Jańa baǵdarlama talaby boıynsha, joıý úshin M1 sanatyndaǵy eski jeńil avtokólikten bastap, jolaýshylar tasymaldaıtyn jáne júk kólikteri  qabyldanady. Joıýǵa tapsyrylatyn kólik quraldarynyń shyǵarylǵan jylyna, modeline qatysty eshqandaı shekteý joq.  Jolaýshylar tasymaldaıtyn jáne júk kólikteri úshin jalǵyz talap - M2, M3, N2, N3 sanatyndaǵy kólik quraldary tehnıkalyq jaramdy bolýy kerek jáne barlyq jabdyqtar óz ornynda bolý tıis.   

Baǵdarlama talabyna sáıkes,  eski  tehnıkany ótkizýshige ataýly sertıfıkat beriledi. Bul sertıfıkat Qazaqstanda óndirilgen kólikti satyp alǵanda jeńildik retinde paıdalanylady.

Jeńildik beretin sertıfıkattyń quny tapsyrlatyn kólik quralynyń sanatyna baılanysty 315 myń teńgeden 650 myń teńge aralyǵynda bolady.

 Sertıfıkat kez kelgen sanattaǵy otandyq avtokólikti satyp alýǵa múmkindik beredi. Onymen qosa, bir avtokólikti satyp alǵanda 2 sertıfıkatqa deıin paıdalanýǵa múmkindik bar. Sertıfıkatty qaıtaryp berýge jáne qolma qol aqshaǵa aýystyrýǵa bolmaıdy. Ol tirkelgen kúnnen bastap 12 aı ishinde jaramdy.

Tozyǵy jetken kólik quraldaryn joıý baǵdarlamasy negizinde qandaı avtokólikterdi jeńildikpen alýǵa bolatyndyǵyn kelesi  saıttar men telefon nómirleri arqyly bilýge bolady:

 «BIPEK AVTO» www.bipek.kz  nemese: 8 778 746 0698 telefony boıynshy

AllurAuto dılerlik ortalyǵy saıtynan: www.allurauto.kz, www.jac-motors.kz

«Astana Motors», «Vıraj», «ÝZAVTO AZIıA» dılerlik ortalyqtarynan: www.ssangyong.kz, www.peugeot.kz, www.iveco.com/kazakhstan,  sondaı-aq 8 800 070 55 88 ı 8 701 737 12 71.

Baǵdarlama jóninde tolyq aqparat auto.recycle.kz resmı saıtynda 

KÓLІK QURALDARYNYŃ SANATY BOIYNShA JEŃІLDІK MÓLShERІ

 

 

№	Sanat	KQ klassıfıkatsııasy	Jeńildik (teńge)
1	M1	Jeńil avtokólikter	315 000
2	N1	júk tasymalyna arnalǵan maksımaldy salmaǵy 3,5 tonnadan aspaıtyn kólik quraldary
3	M2	jolaýshylar tasymalyna arnalǵan, júrgizýshi ornynan bólek segiz orynnan asatyn jáne maksımaldy salmaǵy 5 tonnaǵa jetpeıtin kólik quraldary	450 000
4	N2	júk tasymalyna arnalǵan maksımaldy salmaǵy 3,5 tonnadan bastap, 12 tonnadan aspaıtyn  kólik quraldary
5	M3	jolaýshylar tasymalyna arnalǵan, júrgizýshi ornynan bólek segiz orynnan asatyn jáne maksımaldy salmaǵy 5 tonnadan joǵary  kólik quraldary	650 000
6	N3	júk tasymalyna arnalǵan maksımaldy salmaǵy 12 tonnadan asatyn  kólik quraldary