Eski gazetterden bıootyn shyǵardy
ASTANA. QazAqparat - Jańa Orleanda Týleın ýnıversıtetiniń zertteýshiler toby eski gazetterden bıootyn óńdep shyǵarýǵa kómektesetin erekshe bakterııa tapty.
Bakterııa shtammy TU-103 ataýyn aldy, ǵalymdar ony janýardyń qıynda bolatyn bakterııaǵa qatty uqsaıtynyn aıtady.
Másele TU-103 bakterııasymen jáne eski gazettermen bıo-býtanolǵa shıkizat óńdeý jaıynda bolyp otyr. Ǵalymdardyń baǵalaýynsha, bul sıpaty boıynsha qazirgi ýaqytta qoldanylyp júrgen bıoetanolǵa qaraǵanda, kádimgi benzınge tym jaqyn. Tıisinshe, bıo-býtanoldy paıdalanǵan kezde otyn shyǵyny tek 10 paıyzǵa ulǵaıady, al bıoetanoldy paıdalanǵanda, ishki janý qozǵaltqyshy benzınge qaraǵanda ortasha 40 paıyzǵa artyq shyǵyndaıdy.
Auto Evolution basylymy amerıkalyq qoqys tastaıtyn jerde 320 mln tonnandan astam qaıtalama shıkizat bar ekendigin rastady. Ǵalymdardyń jańalyǵynyń arqasynda ol endi bıootynǵa aınalýy múmkin.
