Eski aýyl mektebiniń ornyna 600 oryndyq jańa bilim oshaǵy salyndy - ShQO
ÓSKEMEN. QAZAQPARAT - «Nurly jol» memlekettik baǵdarlamasynyń aıasynda Shyǵys Qazaqstan oblysynyń Bobrovka aýylynda buryn 44 oqýshy ǵana syıatyn eski mekteptiń ornyna 600 oqýshyǵa arnalǵan jańa mektep salyndy, dep habarlaıdy «QazAqparat» HAA tilshisi aımaqtyń aqparat ortalyǵyna silteme jasap.
Aýyl turǵyndary birneshe jyldan beri bilim berýdiń zamanaýı talaptarǵa tolyǵymen saı jańa mekteptiń salynýyn kútip keldi. Jergilikti halyq «Azııa» JShS qurylysshylarynyń isine adaldyǵyna dán rıza.
Mektep sońǵy ınnovatsııalyq qural-jabdyqtarmen tolyq qamtamasyz etilgen, keń de jaryq oqý bólmeleri men aýqymdy medıatekasy bar qolaıly kitaphana oqýshylardyń jan-jaqty bilim alýyna keń múmkindikter esigin ashty.
ShQO ákiminiń orynbasary Ásem Núsipova oqýshylardy jańa oqý jylymen quttyqtaı otyryp, oblys basshylyǵynyń salaǵa erekshe mán berýiniń arqasynda bilim berý júıesi tamasha kórsetkishterge qol jetkizýde: oblysta jańa mektepter men balabaqshalar salynýda. Jasalyp jatqan jaǵdaılar bosqa ketip jatqan joq, Shyǵys Qazaqstan mektepteriniń bitirýshileri UBT qorytyndylaryna oraı, búkil Qazaqstan boıynsha ortasha kórsetkishterden aıtarlyqtaı joǵary nátıjelerge jetken.
