Eskertý jasaǵan dámhana qonaǵyn pyshaqtaǵan astanalyq sottaldy
ASTANA. QazAqparat - Astanada er adam eskertý jasaǵan dámhana qonaǵyn keńse pyshaǵymen jaraqattaǵan, dep habarlaıdy QazAqparat elorda sotynyń baspasóz qyzmetine silteme jasap.
Qylmystyq is materıaldaryna qaraǵanda, A. esimdi azamat S.-ǵa eskertý jasap, dámhanadan shyǵyp ketýin talap etken. Ashýǵa býlyqqan S. úıinen keńse pyshaǵyn alyp kelip, eskertý jasaǵan kelýshige shabýyl jasaǵan. Saldarynan A. jeńil jaraqat aldy.
Qylmystyq isti Almaty aýdanynyń №2 soty qarady. S. QR Qylmystyq kodeksiniń 293-baby, 2 bóliginiń 3-tarmaǵy (buzaqylyq) boıynsha aıypty dep tanyldy jáne 3 jylǵa bas bostandyǵynan aıyryldy.
Úkim ázirge zańdyq kúshine engen joq.
