ESKERTÝ: Ońtústiktiń úsh óńirinde qar aralas jańbyr jaýyp, jel kúsheıedi
ASTANA. QazAqparat - «Qazgıdromet» RMK elimizdiń birqatar bóliginde aldaǵy eki kún boıy aýa raıynyń qolaısyzdyǵy saqtalady dep eskertý jasady. Atap aıtqanda, 10-13 sáýir aralyǵynda Aqmola oblysynyń Kolýton aýylyndaǵy Kolýton ózeni men Atbasar qalasynyń aýmaǵyndaǵy Jabaı ózeninde sý deńgeıi kóterilip, tasqyn bolady dep boljady.
Sondaı-aq 12-13 sáýir kúnderi Ońtústik Qazaqstan, Almaty jáne Jambyl oblystarynda jaýyn-shashyn, keıbir jerlerine qar aralas jańbyr jaýyp, soltústik-shyǵystan soqqan jeldiń kúshi sekýndyna 17-22 metrge deıin barady dep otyr. Onyń ishinde túnde aýa temperatýrasy 0-5 jyly, keı jerinde 0-5 aıaz, al kúndiz 5-10 jáne 13 gradýs jyly bolady dep kútilýde.
Búgin, 11 sáýir kúni elimizdiń batysynda aýa raıy jaýyn-shashynsyz bolady. Aqmola, Qostanaı, Aqtóbe oblystarynda tuman túsip, kóktaıǵaq bolsa, tańerteń Aqmola oblysynda jel kúsheıip, 15-20 m/s deıin barady. Pavlodar oblysynyń jer-jerine jeldiń ekpini 17-22 m/s bolyp, kóktaıǵaq bolady. Shyǵys Qazaqstan oblysyna tuman túsip, jeldiń kúshi 15-20, al kúndiz 25 m/s deıin jetedi. Ońtústik Qazaqstan, Qaraǵandy, Atyraý jáne Almaty oblystarynyń keıbir jerlerinde jel kúsheıip, ekpini 15-23 m/s deıin bolmaq. Al Jambyl men Mańǵystaý oblystarynda jeldiń ekpini 15-20 m/s bolyp, tuman túsedi dep kútilýde, dep habarlaıdy QR TJM-nyń baspasóz qyzmetinen.
