ESKERTÝ: Ońtústiktiń keı óńirlerinde 30 naýryzda -13 gradýsqa deıin aıaz túsedi
ASTANA. QazAqparat - 30 naýryzda Almaty oblysynda jaýyn-shashyn (jańbyrdyń sońy qarǵa aınalady) túsip, keı jerlerinde qatty nóser bolady. Keı jerlerde tuman, kóktaıǵaq kútiledi. Soltústik-batystan soqqan jeldiń ekpini keı jerlerde 25 m/s bolady. Aýanyń temperatýrasy túnde 3-8, keı jerlerde 13 gradýsqa, kúndiz 0-5, keı jerlerde 8 gradýsqa deıin tómendeıdi.
Ońtústik-Qazaqstan, Jambyl oblystarynda da keı jerlerinde soltústik-shyǵystan soqqan jeldiń kúshi 18-23 m/s bolyp, taýly ótkelderde ekpini 30 m/s-dan asady. Aýanyń temperatýrasy túnde 3-8 gradýs aıazǵa tómendeıdi.
Bul týraly QR ІІM Tótenshe jaǵdaılar komıtetiniń baspasóz qyzmeti habarlady.
