ESKERTÝ: «Qazsý sharýashylyǵy» Sherýbaı Nura sý qoımasynan sý bosatady
ASTANA. QazAqparat - «Qazsý sharýashylyǵy» RMK-nyń Qaraǵandy fılıalynyń habarlaýynsha 2016 jyly 5 sáýirde saǵat 7:00 Sherýbaı Nura sý qoımasynan sý jiberiletini jaıly eskertti.
Jartas sý qoımasy arqyly ótkiziletin sý shyǵyny sekýndyna 44 tekshe metrge jetedi.
Osyǵan baılanysty barlyq turǵyndardy tómendegi qaýipsizdik sharalaryn ustanýǵa shaqyrdy:
- Ózen mańyndaǵy jáne sý qoımalary janyndaǵy saıajaılarǵa barmaý;
- Ózender, arnalar, tereń jáne úlken aryqtardyń ústindegi qubyrlar men kópirler arqyly ótpeý;
- Jartylaı araldarǵa kirmeý;
- ózender, kanaldar jáne ózge de sý qoımalary arqyly belgilenbegen jerlermen ótpeý;
- Balalarǵa ózenderdiń, qazanshuńqyrlardyń, tereń aryqtardyń mańynda oınaýyna tyıym salý;
- Balyqshylarǵa balyq aýlaý kásibin ýaqytsha tyıý.
