ESKERTÝ: Qazaqstannyń birqatar oblystarynda aıaz kúsheıip, boran soǵady
ASTANA. QazAqparat - 23-25 qańtar aralyǵynda Aqtóbe, Batys-Qazaqstan, Atyraý jáne Mańǵystaý oblystarynda aýa temperatýrasy -20-25 gradýs, keıbir jerlerde 29-34 gradýsqa deıin tómendeıdi. Bul týraly QR ІІM-niń TJK baspasóz qyzmetinen habarlady.
Qostanaı, Soltústik Qazaqstan, Aqmola, Pavlodar oblystarynda 22-23 qańtarda, Qaraǵandy, Shyǵys Qazaqstan oblystarynda 22-24 qańtarda qar jaýyp, burqasyn bolady, ońtústik-batystan soqqan jeldiń jyldamdyǵy 15-20 m/sek. jetedi.
Sınoptıkterdiń boljamy boıynsha, 24 qańtarda Ońtústik Qazaqstan, Almaty jáne Jambyl oblystarynda qarly jańbyr jaýyp, tuman, kóktaıǵaq bolady. Ońtústik-shyǵystan soqqan jeldiń jyldamdyǵy keı jerlerde 15-20 m/sek. jetedi. 24-27 qańtarda aýanyń temperatýrasy túnde keı aımaqtarda -3-8, keı jerlerde -15-20 gradýstan -23-28 gradýsqa deıin tómendeıdi. 24-26 qańtar kúnderi Qyzylorda oblysynda aýanyń temperatýrasy túnde -17-22, keı jerlerde aýa tepmeratýrasy -25-30 gradýsqa deıin tómendep, aıaz bolady.
