ESKERTÝ: Qazaqstannyń alty oblysynda aýa temperatýrasy -5 gradýsqa deıin tómendeıdi
ASTANA. QazAqparat - Qazaqstannyń alty oblysynda aldaǵy kúnderi aýa temperatýrasy 0 gradýstan tómendeıdi. Bul týraly «Qazgıdromed» RMK habarlady.
21 qyrkúıekte Aqmola, Soltústik Qazaqstan oblystarynda jaýyn-shashyn túsip, sońy jylbysqy qarǵa ulasýy múmkin. 22-23 qyrkúıekte túnde aýa temperatýrasy 0-5 gradýsqa deıin tómendeýi kútiledi.
22-23 qyrkúıekte Pavlodar, Shyǵys Qazaqstan oblystarynda da jańbyr sońy jylbysqy qarǵa ulasýy múmkin, túnde aýa temperatýrasy 0-5 gradýsqa deıin sýytady.
22-23 qyrkúıekte Qostanaı, Qaraǵandy oblystarynyń keı jerlerinde túnde aýa temperatýrasy 0-5 gradýs nólden tómen bolmaq.
