Eskertý: Qazaqstannyń 6 oblysynda 7-8 aqpan aralyǵynda kún sýytady
NUR-SULTAN. QazAqparat – Aqpannyń 7-8 arylyǵynda Qostanaı, Soltústik Qazaqstan, Aqmola, Pavlodar, Qaraǵandy jáne Shyǵys Qazaqstan oblystarynda kún buzylady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Mınıstrliktiń Avtomobıl joldary komıtetiniń «Qazgıdromet» málimetterine silteme jasap habarlaýynsha, atalǵan óńirlerde jańyn, qar jaýyp, keı jerlerde tuman túsip, kóktaıǵaq bolady. Sondaı-aq, aýa temperatýrasy kúrt tómendep, sekýndyna 23-28 metr jyldamdyqpen burqasyn soǵady dep boljanady.
«Tótenshe jaǵdaılardy boldyrmaý maqsatynda kólik ıelerine alys saparǵa shyqpaýǵa keńes beriledi. Oqys jaǵdaı bolsa, 1403 nómiri boıynsha táýlik boıy jumys isteıtin call-ortalyqqa habarlasa alasyzdar»,- delingen habarlamada.
